PATU MBOJO KISMAN PUJANGGA

Saramba pata na wancu  tupan

Ti bade ku wa’u na ntoi mboto dou mantaun

Ti disa ku ka nihi eli ba dahu q tio ilen

 Ti bade ku wa’ura dake dou ra jaga ro sandaka

Ampo si na tupa poda dou ra ne’e ku pedu

Ti bade ku kariki akan selama ake

ake ku wa’u ra sinci bara ore ampa ku sonco

Ra lao ku lamba kai haju ka’a upa lemba haju ka’a na mpoi tenaga ku ma

maki mpoa.

Bara piti sampuru ku wa’u ra rumpa na na’e mpore

            Kone wei dou ku ne’e ku lao dei

sura loa ku mbocu labo wara di mpa’a kambeca

ica dua mpa ngawana tupa ro dae, mori ma ndake ti wa’u di jaga ro sandaka

mori ma soa na lao sia-sia.

Wara ku sabua siwe ra pata bou siwe tente na wancu ku ntika tantun

Sarome imin ese uma

Ntika na pahu ti disa mu eli ro pehe

Ntika ruku ro rawin mada bade kone rewo

Siwe maci ma caru to’i moci, maci naran

labo eli na ma mpida ro nari.

PATU CAMBE

Rido :  Riana ake ku ridom di makadei mu dana radem

Riana : Aina kacaru nuntu ba wara ana nahu di ne’e mu nenti

Rido  : Laina ka caru nuntu mada loa di nenti ta nuntu ku ma poda wa’u si weha angi pede

Riana : Nampo poda tahom loa wi’i katuha karonggam ro kasampe au ra sumpam 

Rido  : Mu eda poda mpa rawi Rido peade ake rido mu ma to’a di mawaca wea mu ta’im

Riana : Aina kina nggahi ro eli ba dahu mu tio ile wa’u ra weha mu anan ti ncaha ade mu di           inan

Rido :  Laina ana Dae mada ca’u kone pata dou, ala Ake ku ana ama ma to’a ta dou di uma

Riana : laina pori ana dae mada ca’u pata doueee wa’u mu wara wati ngawa rea ro wura kone ina dou di ne’e mu  lao dei bara ncara camben na ngemo lalo mpa cambo

Rido :  Laina tabe’a dou ta ese ma ndede lalo iso ake ku Dou karamabura mada ma ngawa kili kaboro, wa’u si weha anan ti loa ta nefa inan, riana di sa kaka ro tundu ake ku rido ma taho di tende, Sura taho nuntu ra nggahi wati uri mu dou tenggo kanggihi, kone na bona moda mpa di bina

Kombi Ake ku dou ma taho de dei

Mone ma tupa ma taho di pata

Dou karamabura ma ngawa tarima kaboro

Di ma karu’u ro ka rongga ro di ma kantuki wea mu cola nconggom

Mone ma ncaha sambe ma da ngawa mbou

Taho ruku ro rawin ma dabade kone rewo

Ama ngadi ake na mbora kone akal ku

Pili kone tuta ba fiki ku la teti

Ana kepala desa ma dahu karawi ma dosa

Saroncoro sarome wunga nenti ku riman

Rima na ma monca alo labo ku mpida elin

Dua kali kai ake ra nagi oko

Ka mpa-mpa siwe nahu mai wi’i na suwu

Kasanawa wa’u ku ne’e angi kone ku rumpa siwe ma ongu

Ongu na saramban ba ne’e na mbei sarumbun

wa’u na ntoi mu bade wea ku ntaun

Na wa’u ra karente poda tabe’ana upa mpuru pidu

Ti wara ma taho di katuha, siwe ma ongu saramban ti loa imbi kou ro rombo

                        Mbora kone aka ku fiki ku siwe sabua ake, ampo si na taho poda bune ai saramba pedu, kone nenti rima di siwi sampe si rome, ti bade wa’u na ntoi na wa’ura iha ntaun, nggahi na saramba mbu’i pu taho sarumbun, raka ba ake na nagi oko ba maja aden ra eli na rawi na ede, ake ih ra ade ku tio kone loa mu eda, nahu ma imbim da ngawa mu mbei ambi.

Maitul :            Lina siwe ma tupa ma ore si dou ma patan

Kone nami ma mone ti ngawa mu turu wa’a taho mena

Linda :             Mada lina siwe ta ki mpa’a sewa, ake ku siwe ma midi ore dou ma ne’e na kandadi kai dou mode

Maitul :            aina nggahi midi nggara mboto si dou mode, mboto si ra dou ne’em wati ra taho na di ka na’e, raina jaman siwe ore ra mada ra jame

Linda :             Mada kone na rai jaman ngge’e mpa terjamin, mu ne’e si eda poda mai raka pu mada pede, wati uri ku ma ore, sura taho nuntu loa kai ka sama nenti, ta nuntu mpoda nggara mu ne’e si mai pedu

Maitul :            Ari sura taho podam, nggara wati pu wara dou ma pedun

XJangan Perhatikan Siapa Yang Mengatakan Tetapi Perhatikan Apa Yang Ia  Katakan Arna Ukuran Tubuh Tidak Terlalu Penting, Ukuran Otak Cukup Penting Dan Ukuran Hati Itulah Yang Lebih Penting